حمدالله دانش

زمونږ د ټولنې ډیری فارغیدونکي ځوانان د فراغت ورځې په مېلو او جشنونو لمانځي.
د خوښۍ په مراسمو کې تفريح کول طبیعي ده، مګر په اوسنیو وختونو کې افراط ډېر شوی، چې ډیری يې زمونږ له کلتور سره په ټکر کې دی. دوی د دې پرځای چې د زدکړو په جريان کې خپل وخت په اکاډميکو کارونو تېر کړي، په عبسياتو او نمايشي فعاليتونو تېروي.

د زدکړو په جريان کې ۸۰٪ زدکړيالان فقد د ازموينو لپاره درس لولي او ځينې خو يې لا په واسطو ځان تر بل سمستر بريالی کوي، له چپټر ورهاخوا خو يې له نورې مطالعې او تکنالوژي سره بایکاټ کړی وي.

ځيني بيا پړه پر تعليمي مرکزونو اچوي او وايي، کيفيت يې ټيټ دي، مسلکي ښوونکي نشته او نورې ستونزې.
مګر دا بهانه نشي کېدای، په ۲۱ مه پېړۍ کې استاد فقد د یوه لارښود رول لري، ولې بدبختانه ډیری زدکړيالان هر سه په تیاره غواړي.
د زدکړيالانو بې غوري د دې لامل شوې چې تحصيلي نصاب ټيټې کچې ته ورسېږي.

همدغه زدکړيالان له فراغت وروسته د دې وړ نه وي چې يوې ادارې ته ایمېل ولیږي او د دندې غوښتنه وکړي، يا د ځان لپاره يوه سي وي(cv) ترتيب کړي، ځيني خو يې لا پیژني هم نه!
ډېر داسې کسان شته چې له پوهنتون فارغ وي، مګر کله چې يوه اداره يو بست اعلانوي دوی د دې پر ځای چې د دندې شرايط ولولي په کمنټ کې يې ورته خپل نوم او وټسپ شمېره ليکلي وي، په دې طمع وي چې د دندې لپاره به ورته زنګ ووهي او يا مسج وکړي، مګر کله چې يې احوال وانخيستل شي بيا د واسطې خبره کوي او وايي بريالي شوي کسان واسطه لري، مګر ده به نوم ليکنه هم نه وي کړي.
د دې ټولو لامل د محصلينو بې غوري او بې ځايه وخت تیرول دي.

دوی د دې پر ځای چې د زدکړو په جريان کې ځان له تکنالوژۍ، خبرو مهارتونو سره بلد کړي، د رهبریت په اړه يو سه ولولي، پنځونې وکړي، د خپلو ستونزو د حل لارې ولټوي خپل وخت په عبثياتو تېروي همدا لامل کيږي چې زډکړيال د دندې په پیدا کولو کې له ستونزو سره مخ کيږي.

د دې لپاره چې له فراغت وروسته دنده ومومئ، تر فراغت مخکې ځان له تکنالوژۍ سره سره بلد او مهارتونه زده کړئ!