د افغانستان کرکټ بورډ پر فسبوک پاڼه خبر ورکړی چې د افغانستان کرکټ بورډ د غوراوې کمېټې د روان ۲۰۲۵ز کال چمپینز ټرافۍ لوبو لپاره د لوبغاړو نوملړ په ډاګه کړ.

په دغه لوبو کې به د افغان لوبډلې لپاره لوبډل‌مشر حشمت الله شاهدي، راشد خان، عظمت الله عمرزی، رحمان الله ګربز، ابراهیم ځدراڼ، محمدنبي، نور احمد لکڼوال، الله محمد غضنفر، رحمت شاه زرمتی، اکرام الله علي‌خېل، ګلبدین نایب، بلال سمیع، نوید ځدراڼ، صدیق الله اتل، فرید ملک او درویش رسولي ولوبېږي.

په خبرپاڼه کې راغلي چې دغه لوبې به د کرکټ د نړۍوالې شورا د پرېکړې سره سم د راتلونکې فبرورۍ میاشتې په ۱۹مه نېټه پیل او د مارچ میاشتې تر نهمې نېټې په پاکستان او متحده عربي اماراتو کې دوام وکړي.