د خوست سیمیزو مسوولانو ویلي چې د یاد ولایت په علیشرو ولسوالۍ کې د ۲۲۵ زره امریکایې ډالرو په ارزښت د دوه رغنیزو پروژو کارونه پیل شوي دي.

ددغه ولایت د کلیو بیارغونې او پراختیا ریئس عنایت الرحمان جلالي رسنیو سره په خبرو کې ویلي چې په دغه دوه پروژو کې یو استنادي دېوال او یو کانال شامل دي چې د خوړو نړۍوال پروګرام لخوا نه به یې لګښت ورکول شي.

د جلالي په وینا  استنادي دېوال ۲۰۰ متره او کانال ۳۰۰ متره اوږدوالی لري چې پکې د ۲۰۰ تنو لپاره د کار کولو زمینه برابره شوې ده.