سترې محکمې د یوې خبرپاڼې په خپرولو سره ویلي چې د سر پرست حکومت د مشرتابه د حکم پر اساس د هېواد له بېلابېلو زندانونو د کوچني اختر په مناسبت دوه زره او ۴۶۳ بندیان خوشي او د درې زره او ۱۵۲ نورو بندیانو د بند موده یې راکمه کړې ده.

له سترې محکمې څخه په خپره شوې خبرپاڼه کې راغلي چې د یادو بندیانو د ازادولو لپاره کړنلاره د سترې محکمې د تفتیش د عمومي ریئس په مشرۍ د زندانونو چارو د سمون ادارې، د کورنیو چارو وزارت او د استخباراتو لوی ریاست د استازو په شمول د یوه پلاوي له خوا د سرپرست حکومت مشرتابه ته وړاندې شوې وه.