د رياست الوزرا اقتصادي معاونیت په یوه خبر پاڼه کې ويلي، د دغه معاونیت د سرپرست په مشري د ملي تدارکاتو کمیسیون د نږدې ۲.۵ ميليارده افغانيو په ارزښت اته پروژې منظورې، او ۱۳ نورې تعديل کړې.

سرچینې ويلي، ټولې ۲۹ پروژې وې چې له جملې يې اته منظور، ۱۳ تعديل، دوه لغوه او شپږ نورې پروژې هم په تدارکاتي پروسو کې د شته ستونزو له امله لغوه شوې.

په منظور او تعديل شويو پروژو کې د کندهار ولایت دهلې بند د ساتنې او بیا رغونې چارې بشپړول، د کابل طبي پوهنتون د علي اباد روغتون د پاتې چارو بشپړول، د کندهار په دامان ولسوالي او پل باغ سیمه کې د ترانسپورتي ترمينلونو جوړول، د کابل کندهار لويې لارې د پاتې برخو جوړول او نورې پروژې شاملي دي.

د سرچینې په خبره، يادې پروژې د سرپرست حکومت له لوري تمويلېږي.