د عامې روغتیا وزارت له لوري د کونړ ولایت په څوکۍ ولسوالۍ کې د ۲۸,۶ میلیونه افغانیو په ارزښت د یوه ۲۵ بستریز روغتون د ودانۍ چارې پیل شوې.

د کنړ د عامې روغتیا ریئس قاري مظفر مخلص، وویل چې دغه روغتون د عامې روغتیا وزارت په همغږۍ د یونیسیار په مالي ملاتړ د ۲۸,۶ میلیونه افغانیو په ارزښت د یاد ولایت په څوکۍ ولسوالۍ کې جوړېږي چې ورسره به د عامې روغتیا په برخه د یادې ولسوالۍ د زرګونه وګړو ستونزې حل شي.

مخلص زیاته کړه چې دغه روغتون به د ۳۰ خونو، پارکینګ او نورو اسانتیاو په درلودلو سره جوړ او ګټې اخیستنې ته وسپارل شي.