کورنیو چارو وزارت پر اېکس‌پاڼه خبر ورکړی چې د یاد وزارت سرپرست وزیر کابل کې د سعودي عربستان له شارژدافیر فیصل البقمي سره کتلي دي.

سرپرست وزیر په دې لیدنه کې هغه ته د ښه‌راغلاست ترڅنګ په چارو کې د ښه والي هیله کړې او د دواړو هېوادونو ترمنځ یې د ژورو اسلامي او تاریخي اړیکو پر اهمیت خبرې کړې دي.

د عربستان شارژدافیر له سرپرست حکومت سره د اړیکو د پراختیا ژمنه کړې او د دواړو هېوادونو ترمنځ يې د ګډو اسلامي او فرهنګې ارزښتونو پر بنسټ د همکارۍ پر دوام تاکید کړی دی.