د راپورونو په اساس د جنوبي کوریا ولسمشر یون سوک یول له څو اوونیو سیاسي شخړو وروسته د یاد هېواد د فساد ضد ادارې لخوا نیول شوی دی.

یون نن چهارشنبه سهار مهال نیول شوی دی.

د جنوبي کوریا ولسمشر د لنډ مهالي نظامي قانون د اعلان په تړاو له پلټنو سره مخ دی چې په‌کې د مشرتابه د بغاوت تور هم شامل دی او ویل کېږي چې دغه ډول جرمونه د عمري بند او یا د اعدام سزا لرلی شي.

سي ان ان پر اېکس پاڼه لیکلي چې یون سوک یول څو اوونۍ پخپل استوګنځي کې د ولسمشرۍ د امنیتي ډلې لخوا سخت محاصره شوی و چې تسليمۍ ته غاړه کېږدي.

د یادونې وړ ده چې دا لومړی ځل دی په جنوبي کوریا کې پر یوه واکمن دا ډول اقدام ترسره کېږي.