د زمبابوې پر وړاندې د افغان کرکټ لوبډلې د شل اوريزه او يو ورځنيو لوبو نوملړ په ډاګه شو
کرکټ بورډ پر خپله فيسبوک پاڼه نن د زمبابوې پر وړاندې د ترسره کېدونکې يو ورځنيو او شل اوريزه لوبو نوملړ اعلان کړ.
يادې سيالۍ به د روانې دیسمبر مياشتې په يوولسمه نېټه د زمبابوې پلازمېنه هرارې کې پيل شي او د ۲۰۲۵ کال د جنوري مياشتې په شپږمه نېټه پای ته ورسيږي.
د شل اوريزه سیاليو په نوملړ کې لوبډلمشر راشد خان، ويکټ ساتونکی رحمان الله ګربز، صديق الله اتل، عظمت الله عمرزی، محمد نبي، دروېش رسولي، زبيد اکبري، ګلبدین نايب، کريم جنت، عظمت الله عمرزی، محمد اسحق، مجيب الرحمن، ننګيال خروټی، نور احمد، فضل الحق قاروفي، نوین الحق او فريد احمد ملک شامل دي.
د يو ورځنيو لوبو نوملړ کې بیا لوبډلمشر حشمت الله شاهدي، رحمان الله ګربز، صديق اتل، رحمت شاه، محمد نبي، راشد خان، عبدالملک، دروېش رسولي، اکرام علي خېل، ګلبدين نايب، عظمت الله عمرزی، مجيب الرحمن، ننګيال خروټی، فضل الحق فاروقي، الله محمد غضنفر، نويد ځدران، فريد احمد ملک او بلال سميع شامل دي.
کرکټ بورډ ويلي، ټسټ سياليو نوملړ هم اعلانوي، خو نېټه يې نده په ډاګه کړې.
بايد ياده شي چې افغانستان له اوږدې مودې وروسته يو ځل بیا له زمبابوې سره هر اړخيزه لوبلړۍ کوي.
