له ترکيې د افغانستان غوښتنه؛ افغان کډوال مه راشړئ، د کار زمينه ورته برابره کړئ
October 17, 23
Hamdullah Danish
د کډوالو او بېرته راستنېدونکو چارو سرپرست وزیر خلیل الرحمن حقاني د افغانستان لپاره د ترکیې له نوي سفیر جنګاونال سره په لیدنه کې له ترکیې دولت څخه غوښتي، چې د افغان کډوالو د جبري وېستلو پر ځای دوی ته د کار زمینه برابره او دې هېواد کې دې د کډوالو اتشو پرانیستلو ته اجازه ورکړي.
هغه زياته کړې، کوم افغانان چې په خپله هېواد ته راستنېږي باید د یوه ګډ میکانیزم له لارې راستانه شي.
د افغانستان لپاره د ترکیې نوي سفیر ښاغلي جنګ خلیل الرحمن حقاني سره په لیدنه کې ویلي، چې ترکیه او افغانستان له یوبل سره ژورې اړیکې لري، چې هیڅکله به زیانمنې نه شي او دغه هېواد تل د افغانانو ترڅنګ ولاړ دی
نوموړي زیاته کړې، چې د بیړنیو مرستو ټیمونه پروخت هرات کې زلزله ځپلو سیمې ته تللي او نږدې وخت کې به ددوی له لوري، نورې مرستې هم افغانستان ته راورسېږي
