وروسته له هغې چې اسلامي امارت په ۲۰۲۱ زيږديز کال کې واک ترلاسه کړ، تراوسه د کوم هېواد له لوري په رسميت نه وو پېژندل شوی، خو روسیه لومړی هېواد شو چې دغه ګام یې واخيست.
د اسلامي امارت د بهرنيو چارو وزارت سرپرست مولوي امير خان متقي د روسيې دغه ګام ستايلی دی.
همدې حال کې بيا د حکومت وياند ويلي، له نورو هېوادونو هم غواړو چې افغان حکومت په رسميت وپېژني.
هاخوا بيا د روسيې د بهرنيو چارو وزارت ويلي، کابل له مسکو سره د ترهګري ضد، نشه يي توکو سره د مبارزې او نورو برخو کې همکاري کړې ده.
روسيې ويلي، د افغان سفير باور ليک يې هم منلی دی.
د يادونې ده چې ډېری نورو هېوادونو کې افغان استازی او ديپلوماتان شته، خو لا يې هم په رسميت ندی پېژندلی.