تېره اوونۍ د اوسپنې پټلۍ له لارې نږدې ۹۰ زره ټنه انتقالات ترسره شوي دي

March 25, 24 Hamdullah Danish

اوسپنې پټلۍ ملي ادارې پر خپله اېکس پاڼه ليکلي دي، چې تېره اوونۍ يې د هېواد د بندرونو لارې ۸۷ زره او ۴۴۵ ټنه انتقالات ترسره کړي دي.

د سرچينې په خبره دغه انتقالات يې ۷۰ زره او ۸۸۳ ټنه د حيرتان بندر له لارې، ۶ زره او ۵۵۲ ټنه د اقينې اوسپنې پټلۍ له لارې او يو زر او لس ټنه بيا د تورغونډۍ اوسپنې پټلۍ له لارې ترسره شوي دي.

د سرچيني په خبره په دغه انتقالاتو کې ټول نفتي او غیر نفتي توکي او نور هغه مواد شامل دي چې هېواد ته وارد شوي او يا هم صادر شوي دي.

د يادې ادارې په خبره د انتقالاتو له ډلې يې بیا ۶۱۱ ټنه ټرانزیټي انتقالات دي چې پکې وچه مېوه، کینو او د انارو جوس شامل دي.

سرچينه وايي، هڅه کوي چې د انتقالاتو لپاره لا ډېره زمينه برابره او سوداګرو ته هم اړينې اسانتياوو چمتو کړي.