افغانستان کرکټ بورډ نن پر خپله فيسبوک پاڼه نن د زمبابوې پر وړاندې د دوه ټسټ سياليو نوملړ اعلان کړ.

د دغه دوه ټسټ لوبو لړۍ به د راتلونکې زيږديز کال د جنوري په دويمه نېټه د زمبابوې په کوربه توب ترسره شي.

په دغه نوملړ کې لوبډلمشر حشمت الله شاهدي، مرستيال لوبډلمشر رحمت شاه، صديق اتل، رياض حسن، عبدالمالک، بهیر شاه، افسر ځاځی، اکرام علي خېل، عصمت عالم، عظمت الله عمرزی، ضیا الرحمن اکبر، ظاهر خان، ظاهر شېرزاد، راشد خان، یمین احمدزی، بشیر احمد، نويد ځدران، فريد ملک او په ريزريف لوبغاړو کې بیا ضیا الرحمن شريفي، ناصر جمال او ابراهیم عبدالرحيمزی شامل دي.

په پورته نوملړ کې له سږ کال احمد شاه ابدالي فرسټ کلاس لوبي کې له لوبېدونکو غوره لوبغاړو څخه هم ځيني لوبغاړي د ټسټ سياليو برخه ګرځيدلي دی.

بايد‌ ياده شي چې له ټسټ سياليو وړانډې‌ به افغان لوبډله د درې يو ورځنيو لوبو لړۍ هم ترسره کړي.