د بدخشان د طبیعي پېښو پر وړاندې د مبارزې ریاست امر محمد کامګار وايي، د دغه ولایت د مرکز فیض آباد ښار په «مورچک» سیمه کې د وروستيو سېلابونو له امله د یوې کورنۍ ۱۰ غړي مړه شوي دي.
هغه ویلي، یوازې د یوه تن مړی موندل شوی او د پاتې مړیو د موندلو لپاره هڅې روانې دي.
په همدې حال کې د خوړو نړۍوال پروګرام ویلي، د یادو سېلابونو له امله د دغه ولایت د سېلاب ځپلو سیمو ځينې کورونه او سړکونه هم ویجاړ شوي دي.
د یادونې ده چې د هېواد په بېلابېلو سیمو کې د تېرې څه باندې یوې میاشتې سېلابونو له کبله لسګونه کسان مړه او ټپیان شوي او پراخې کرنیزې ځمکې اوبو لاندې کړې دي.