د احصايې او معلوماتو ملي اداره وایي، د تېرې غويي میاشتې په اوږدو کې یې د هوايي ډګرونو او ځمکنيو بندرونو له لارې هېواد ته درې زره او ۱۴۳ بهرنيو وګړو تګ - راتګ ثبت کړی دی.

د معلوماتو له مخي، روان کال په غويي میاشت کې د ۲۵ ښځینه‌وو په ګډون ۱۶ سوه ۴۳ بهرني وګړي هېواد ته راغلي او ۱۴ سوه ۷۵ نور له هېواده وتلي دي.

د احصایې او معلوماتو ادارې ویاند محمد حلیم رفع وایي، تر ټولو زیات بهرني وګړي د نیمزور ولایت، تورخم او حیرتان بندرونو او د کابل او بلخ هوايي ډګرونو له لارې هېواد ته راغلي او تللي دي. 

نوموړي هېواد ته د راغلیو زیاتره بهرنیو وګړو د سفر موخه سیاحت او کار بللی دی.