د بلجیم لومړي وزیر الکساندر دي‌کرو له ولادیمیر زیلینسکی سره په لیدنه کې د یو میلیارد ډالرو په ارزښت د نظامي مرستې ژمنه کړې ده.

بروکسل وایي، ددغو نظامي مرستو موخه اوکراین د ناټو په اتحاد کې د شاملیدو د پوځي مرستې تضمین ورکول دي.

دغه راز بلیجم په راتلونکو څلورو کالونو کې اوکراین ته د 30 F-16 جنګي الوتکو د ورکړې ژمنه هم کړې ده.

دا په داسې حال کې ده چې وړمه ورځ زیلینسکي له هسپانیا سره دوه اړخیز امنیتي تړون لاسلیک کړ چې په روان میلادي کال کې به اوکراین ته یو ملیارد یورو نظامي مرستې او تر ۲۰۲۷ کال پورې پنځه ملیارده یورو ځانګړي کوي.