ابراهیم او ځدران او عظمت عمرزی د اتلانو جام غوره لوبډلې ته اخيستل شوي

کرېکټ نړۍوالې شورا د ۲۰۲۵کال د اتلانو جام د غوره لوبغاړو لوبډلې په اعلانونولو سره دغه ډله کې دوه افغان لوبغاړي ابراهیم ځدراڼ او عظمت الله عمرزی هم شامل کړي دي.
د دغې لوبډلې په نوملړ کې په ترتیب سره د رېچن روېندرا، ابراهیم ځدراڼ، ویراټ کوهلي، شرېیاس اییر، کې اېل راهول، ګلېن فیلیپس، عظمت الله عمرزی، مایکل سانټنر، محمد شامي، مت هېنري، وارون چکرورټي او د اکثر پټېل نومونه شامل دي.
د ۲۰۲۵کال د اتلانو جام سیالۍ د دوبۍ او پاکستان په کوربهتوب د هند په اتلولۍ پای ته ورسېدې.
افغان لوبډلې په لومړی ځل دغه جام سیالیو کې برخه اخیستې وه.
په دغه جام کې تر لوبېدو وروسته عظمت الله عمرزی د کرېکټ نړۍوالې شورا د یو ورځنیو لوبو د ټول چارو لوبغاړو په تازه ډلبندۍ کې په لومړي مقام راغلی دی.
د کرېکټ نړۍوالې شورا د یو ورځنیو سیالیو د توپ وهونکو په ډلبندۍ کې بیا ابراهیم ځدراڼ درې درجې وړاندې تګ کړی او د لس غوره توپ وهونکو په نوملړ کې راغلی دی.