نورستان کې تېر کال نږدې ۲۴ زره تذکرې وېشل شوې
د نورستان ولايت د احصايې او معلوماتو ریاست په ۱۴۰۲ لمريز کال کې په ټوليز ډول ۲۳ زره او ۵۸۸ کسانو ته تذکرې وېشلې دي چې ۷ زره او ۶۹۱ الکترونيکي او ۱۵ زره او ۸۹۷ نورې یې کاغذي دي.
د یاد ریاست رییس مولوی قدرتالله شمشېر وايي، د مرکز په ګډون د دې ولايت په اووه ولسواليو کې د دوی اړوند دفترونه فعال دي او تېر کال د يادو دفترونو له لارې توانيدلي دي چې شاوخوا ۲ زره کسانو ته په کاغذي تذکرو کې د اصلاحاتو او د ژوند پېښو اړوند خدمتونه وړاندې کړي.
شمشېر زياتوي، په ياد ولايت کې د الکترونیکي تذکرو د وېش دوه څانګې فعالې دي چې لومړۍ څانګه په مرکز پارون او دویمه هغه یې په برګمټال ولسوالي کې ده.
د یادونې وړ ده چې د احصایې او معلوماتو ملي ادارې د هېواد په کچه د الکترونیکي تذکرو د وېش لړۍ لرې پرتو سیمو او ولسوالیو ته هم غځولې ده چې د یادو سیمو اوسېدونکي په اسانۍ سره کولای شي الکترونیکي تذکرې پهکې ترلاسه کړي.
